Ta’lim sohasida ortda qolgan 40 yillik tajribam va O’zbekistonda xizmat ko’rsatgan ustoz va xalq ta’limi a’lochisi bo’lganim uchun  ishonch bilan aytishim mumkinki, “IZB” kabi maktablar bolalar uchun voyaga yetganida  zarur bo’lgan bilimlarning asosini yaratadigan kelajak maktablaridir. Maktab direktori Matlyuba Ruvajiddinovna rahbarligidagi o’qituvchilar jamoasi bolalarga nafaqat maktab dasturini o`zlashtirishlari, balki har tomonlama rivojlanib borishlari uchun astoydil  mehnat qilishadi.

Yaxshi o’ylangan o’quv dasturi, o`quvchilar uchun bilimlarini kengaytirish va mustahkamlash, har tomonlama rivojlanishlari  uchun to’garaklar va qo’shimcha tadbirlar – bularning barchasi maktab haqida yaxshi taassurot qoldirdi. Tajriba almashish uchun siz bilan ishlashni  istardim! “IZB” maktabiga bundan keyin ham muvaffaqiyat va yuksak parvozlar tilayman!